Folkemusikkgruppa Hørkelgaddan

Heimeside   |  Hørkelgaddan | Nordmøre spelmannslag | Slektsside  | Foto 

Folkemusikkgruppa Hørkelgaddan vart danna hausten 1974 i Tingvoll på Nordmøre. Gruppa har spesialisert seg på folkemusikk frå Nordmøre og har presentert nordmørsmusikk på plater og i meir enn 25 radio- og TV-program. Dei har spelt til dansefestar og konsertar eit utal gongar.

 LP-MC-CD-produksjonar:

* Oppsong for nordmøringar (2 melodiar på nordmørsk samleplate 1976)
* Slåttonn (Oppsong A/S 1977)
* Tøffelmusikk (Oppsong A/S 1981)
* Øyaslåttar (eige selskap 1981)
* Alle lopper som mor har, barneplate (Norsk plateselskap 1986)
* Ørsalmusikken (Heilo 1992)

Biletet er av Hørkelgaddan i Fir-Conway Church, Washington, USA.
Frå venstre: Baard Aarnes, Helge Husby, Arild Hoksnes, Gro Kjelleberg Solli, Rolf Kristian Holte og Tor Erik Jenstad.

Folkemusikkgruppa fekk Spellemannsprisen i 1981 for plata Tøffelmusikk og har hatt 47 konsertar for Rikskonsertane. Dei har også hatt turnéar i Polen  (1983), Sverige (1989) og Washington og Alaska i USA (1998)

Orkesteret

Arild Hoksnes ( fele, torader og song)
frå Aukra er sjølvstendig næringsdrivande innan kultur og media., busett i Melhus i Sør-Trøndelag. Han har m.a. utdanning i musikk frå Universitetet i Trondheim.

Rolf Kristian Holte (gitar, mandolin)
frå Sunndalsøra og busett i Trondheim. Er utdanna spesialsjukepleiar og arbeider ved Hemit i Trondheim.

Helge Husby (fele, hardingfele og song)
frå Gyl i Tingvoll driv eige firma,
Fosna kultur og media. Han har m.a. spelt 10 år i Vågå spelmannslag.

Tor Erik Jenstad (trekkspel, torader)
frå Gjøra er tilsett ved NTNU og har teke doktorgraden i nordisk språk på ordgeografiske nemningar på fele og hardingfele.

Baard Aarnes (bass, tangent)
frå Surnadal  har hovedfag i musikk og er dagleg leiar av Inderøy kulturhus i Nord-Trøndelag.

Gro Kjelleberg Solli (song, fløyte, tangent)
er frå Angvika og er busett i Os i Østerdalen. Songen etter Magnhild Havdal Almhjell frå Tingvoll står hjartet hennar nære, og ho er av dei fremste tolkarane av nordmørsk folkesong. Ho har vore med på turné til USA og på konsertar i Norge sidan 1998.


Lytt til musikk av Hørkelgaddan

 


Tilbake til heimesida

E-post: helge@fosnakultur.no