Velkommen til Helge Husbys heimeside

Heimeside   |  Hørkelgaddan | Nordmøre spelmannslag | Slektsside  | Foto 

Eg er fødd i 1956 og oppvaksen på Gyl i Tingvoll kommune i Møre og Romsdal. Er utdanna skogtekniker og har m.a. vore skogbruksplanleggar i Møre og Romsdal skogeigarlag og lærar ved Statens skogskole Steinkjer. Frå 1985 var eg lærar i skogbruk, og frå 1990 studieinspektør på Klones vidaregåande skule i Vågå i Gudbrandsdalen. Har i tillegg til skogteknikerutdanning høgskuleutdanning i ein del skogfaglege fag frå NLH-Ås, offentleg administrasjon, ledelse, økonomi frå Høgskulen i Nord-Trøndelag og informasjonsteknologi frå Trondheim ingeniørhøgskole. Flytta til Aure, Møre og Romsdal hausten 1996 og begynte som kulturkonsulent i Aure kommune. No bur eg i heimbygda Gyl i Tingvoll og driv mitt eige firma, Fosna kultur og media

I 1981-82 var eg i Gippsland, Victoria, Australia som gardskar på farm med mjølkproduksjon. Slike opplevingar er gode å ha med seg samme kva yrke ein vel seinare i livet.

Sidan 1974 har eg spelt i folkemusikkgruppa HØRKELGADDAN.  Gjennom desse åra har eg opplevd store ting som tildeling av spelemannsprisen i 1981, dansespelingar og konsertar over heile Norge og turnear i Polen, Sverige og USA.
På heimesida til Hørkelgaddan kan du lytte til folketonar frå Nordmøre. No er eg musikalsk leiar av NORDMØRE SPELMANNSLAG, som er spesielt presentert på eigne sider.

E-post: helge@fosnakultur.no